Chega o Nadal e con ela a nova panxoliña do coro do Colexio, "Chega O Nadal", composición do noso profesor José Luís Míguez. Para escoitar esta panxoliña e outros temas interpretados polo coro visitade a sección HIMNO E CORO. Alí tamén poderedes ver máis fotos e poderedes escoitar o fragmento dun deses temas que se presentaron en Cadea 100 para un concurso de panxoliñas dentro do programa "Buenos Días, Javi Nieves".

Rebeca de la Iglesia López, alumna de 1º de Bacharelato, obtivo o primeiro premio do I Certame Literario de Relatos Breves "P. Manuel Delgado Montoto", convocado pola Provincia Escolas Pías de España Terceira Demarcación. O seu relato "Un verán en África" conta a experiencia de dous estudantes que deciden pasar as súas vacacións de verán como misioneiras nun poboado africano. O próximo 24 de novembro farase entrega do premio a Rebeca no acto inaugural da Festa de Calasanz. Dende aquí dámoslle o parabén..

O sábado, 19 de novembro tivo lugar no colexio a convivencia do grupo Amencer, que habitualemnte ven celebrándose todos os anos coincidindo coa festa de Calasanz. neste caso, e tendo en conta o noso lema "Escolapios ... multiplicando vida dende Calasanz" preparamos as nosas actividades para esta gran xornada. Pola mañá se realizouse unha gincana con diferentes probas onde os alumnos/as puideron amosar diferentes habilidades e onde coñecimos un pouco máis de preto a trayectoria de San Xosé de Calasanz; trala gincana e un momento para a reflexión tiveron o seu momento de tempo libre e comeron todos xuntos no pabellón, pola tarde pechouse esta convivencia cunha cerimonia relixiosa presidida polo P.Salvador onde los alumnos/as tamén puideron participar así como algunhas familias que tamén asistiron á mesma

Queres saber como podes axudar ti a diminuír esa demanda, reciclar e xerar recursos para protexer eses ecosistemas?Coa túa axuda poderemos:-reutilizar terminais e reducir a insustentable demanda dos seus compoñentes -reciclar elementos útiles e dispor adecuadamente de materiais tóxicos, evitando a contaminación do medio -participar como colexio na campaña movilízateporlaselva.org colaborando no seu proxecto de apoio ao desenvolvemento de cidadáns congoleños, e aos programas de educación. Se desexas colaborar: Deposita gratuitamente móbiles en desuso nos dous puntos que o equipo do departamento de acción social do colexio situará en Portaría e na carteleira do departamento (saída recreos). Para máis información: dep.das@escolapiosacoruna.es. MOITAS GRAZAS POLA vosa ATENCIÓN.

Os alumnos e alumnas do tres quintos de Educación Primaria realizaron durante as últimas datas nas clases de plástica da profesora Mariluz  uns preciosos murais sobre o outono confeccionados con follas caídas das árbores que poboan e dan cor aos arredores do noso colexio. Devanditos murais, froito do esforzo e do traballo en grupo dos nosos alumnos e alumnas, están expostos nos corredores de E.Primaria.

Na década dos cincuenta xorde a idea de estender a presenza escolapia por Galicia, pois, pechado Celanova antes da guerra civil, quedaba reducida á cidade de Monforte de Lemos. É esta comunidade a que loita en favor da fundación; até 1964, gobernando a Provincia o P. Agustín Turiel, non callou o intento. O reitor da comunidade de Monforte, Esteban Trasfogueiro, asesorado polo P. Alfonso Díez e recibindo poderes para buscar e adquirir terreos, elixe máis de dez mil metros cadrados por un valor superior ao cinco millóns e medio de pesetas nos arredores da cidade.Unha pequena comunidade chega e abre as súas escolas nuns locais provisionais da rúa ou paseo de Ronda, nº 54. Era o mes de outubro.O proxecto inicial do novo colexio era ambicioso: tras adquirir terreos complementarios pénsase en «unha cidade dos raparigos» Pica na foto para ler máis e ver algunhas fotos.

O día do Domund é o día en que a Igrexa universal reza polos misioneiros e colabora con eles economicamente no seu labor, que con frecuencia se desenvolve entre os máis pobres. Cos donativos constrúense templos, cómpranse vehículos, aténdense proxectos sociais, sanitarios e educativos...Nestes días bríndasenos a oportunidade de axudar aos máis necesitados. Cun pequeno xesto, podemos colaborar para que o mundo sexa un pouquiño mellor. Grazas pola túa colaboración.
Na foto: Os alumnos de 4º de Primaria seguimos sendo solidarios. Pica na foto para vela máis grande.

O vindeiro xoves día 3 de novembro comezarán xa as visitas semanais dos nosos/as alumnos/as voluntarios/as do departamento de acción social á Residencia de Anciáns do Instituto Benéfico Social Pai Rubinos. Despois do éxito da convocatoria para o Grupo de Mozos Solidarios, na que se apuntaron case 50 alumnos entre 4º da ESO e Bacharelato, é o memoneto da primeira gran actividade de voluntariado ofrecida no presente curso polo Departamento de Acción Social e protagonizada polos nosos alumnos e alumnas. Manterémosvos informados puntualemnete das novidades desta actividade de convivencia interxeracional que nos enche de orgullo a todo o colexio
.

O retiro espiritual é unha actividade de reflexión e convivencia promovida polo departamento de pastoral e levada a cabo no convento de Bañobre. Alí tentamos atoparnos interiormente, sempre guiados polos nosos catequistas. A palabra "retiro" leva implícitas varias características significativas: Nada que nos poida distraer da nosa reflexión; Nin libros, nin teléfonos móbiles, nin computadores nin nada que poida influír na nosa reflexión e pártenos da verdadeira finalidade do retiro? PENSAR..

O departamento de acción social do noso colexio comezou a súa actividade coa convocatoria de voluntariado para o presente curso. Todos/as os alumnos e alumnas dos cursos de 4º de ESO e Bacharelato teñen a posibilidade de pertencer ao Grupo de Mozos e Mozas Solidarios, que levará a cabo durante todo o curso proxectos de voluntariado e axuda á comunidade, así como a organización e colaboración nas actividades e campañas que dependan do departamento de acción social. Como nos últimos anos, espérase que o número de alumnas e alumnos comprometidos aumente e que unha vez máis o noso G.M.S. sexa un dos puntos fortes do departamento de acción social do noso centro. Para este fin, a carteleira do DAS engalanouse, e elaboráronse circulares para os alumnos e alumnas interesados/as. Nos próximos días, comezarán as reunións informativas para os cursos implicados. Manterémoslles informados.

O 12 de Setembro os profesores de infantil e primaria dan a benvida ás alumnas e alumnos deste novo curso escolar 2011-2012. Os corredores xa están preparados e as profesoras recíbenvos con ilusión. Desde aquí desexamos que este novo curso sexa bo para todos